Skip to main content
مشروع بقلوس أقل

أزاي تبدأ مشروع تجاري من غير ما تدفع فلوس كتير ؟؟؟

عالم الانترنت طريقك نحو النجاح

مشروع تجاري ناجح :  

لما تيجي تبدأ في أي مشروع تجاري لازم تكون عارف كويس قوي خمس مصطلحات رئيسية دايما هتستخدمهم في أي مشروع

1-  رأس المال المطلوب للمشروع:

  يعني المبلغ المطلوب علشان تبدأ مشروعك التجاري ، وده يشمل مصاريف التأسيس، شراء البضاعه اللي هتعرضها

2- هامش الربح (يعني الفرق ما بين سعر البيع وسعر الشراء) :

يعني مثلا انت اشتريت منتج تكلفته ١٠ج وبيعته بحوالي ١٥ج ، كده انت عملت هامش ربح قدره ٥ ج ، أو بمعني آخر انت عملت هامش ربح يقدر ب٥٠٪ من التكلفه ….. خلي بالك هامش الربح مختلف تماما عن صافي الربح … صافي الربح بيتحسب بعد ما تخصم كل المصاريف اللي انت صرفتها علي المشروع.

3-  مصروفات التأسيس :

اللي هي المصاريف اللي لازم تدفعها علشان المشروع يبتدي يشتغل ، زي مثلا الديكورات ، تأمين المحل ، مصاريف السجل التجاري وهكذا

4- المصروفات الشهريه :

يعني مصاريفك الشهريه علي المشروع اللي ممكن تكون أيجار ، كهرباء ، موظفين ، دعايه وأعلان.

5- معدل دوران المخزون أو البضاعه :

يعني تقدر تدور بضاعتك كل قد آيه ، كل ما معدل الدوران زاد كل ما هتقدر تحقق آرباح أعلي يعني انت اشتريت بضاعه أول الشهر بيعتها كلها في الشهر نفسه وروحت تشتري بضاعه تانيه ، معني كده ان بضاعتك دارت مزه واحده في الشهر .. يعني بضاعتك هتدور ١٢ مره في السنه

وحاجات تانية هنعرفها في موضوعنا النهاردة عن مشروع تجاره الإكسسوارات الحريمي ،

إحنا في موقع ( يلا جملة ) هنعرفك وهنسهلك معلومات هامة عن أساسيات مشروع إكسسوارات الحريمي فتابعنا علشان تعرف :

–  لما تفكر تفتح مشروع تجاره إكسسوارات الحريمي لازم تفكر الأول ، هل انت عايز تفتح محل ، ولا عايز تخلي تجارتك علي الانترنت …. لازم تقرر الأول …

هنا هنساعدك تآخد القرار .

 

لكن قبل مانتكلم عنهم هنتكلم على التجارة على الإنترنت وأهميتها – منصات الإنترنت الي ممكن أحط تجارتي عليها :

1- التجارة على الإنترنت ( الإلكترونية ) وأهميتها :

مفهوم التجارة الإلكترونية E-Commerce  عبارة عن  نظام  بيع وشراء سلع وخدمات ومنتجات عن طريق استخدام الإنترنت،

ويتم عن طريق تحويل الأموال والبيانات لتنفيذ هذه المعاملات، وفي الغالب التجارة الإلكترونية بتستخدم للإشارة  إلى بيع المنتجات والسلع على الإنترنت،

 وفيه الكتير  من المواقع التي تعمل على مجال التجارة الإلكترونية E-Commerce وأشهرها عالميًا  (Amazon – Souq.com – jumia –  ebay)  وغيرها من الشركات الكبرى الناجحة.  

-أهمية التجارة على الإنترنت ( الإلكترونية ) :

في مميزات كتير ولكن في حاجات مهمة وأساسية للتجارة الإلكترونية E-commerce لازم تعرفها علشان توفر عليك كتير من التساؤلات  لما تاخد قرارك لإنشاء موقع يعمل على التجارة الإلكترونية، وهي :

1- بتقدر توصل للسوق العالمية من غير ماتدفع إستثمارات كتير عن طريق الإنترنت.   
2-  تقدر تاخد المعلومات الي انت عايزها عن أي منتج مش كدة وبس لا ده انت ممكن تقارنها بأي منتج تاني عن طريق أي موقع آخر. 
3 – هتسمح التجارة الإلكترونية للموردين وتجار الجملة أنهم يكونوا أقرب إلى عملائهم، وده هيأدي إلى زيادة الإنتاج والمنافسة.
4 – هيوفر بشكل كبير الجهد والوقت للمستهلكين، وهيسهل عملية البيع والشراء بطريقة إلكترونية ناجحة.

2- منصات الإنترنت الي ممكن أحط تجارتي عليها :

منصات الإنترنت تعتبر من أساسيات التجارة على الإنترنت وفي منها أنواع كتيرة مثل :

1-  منصة التجارة الإلكترونية شوبيفاي Shopify : 

تعتبر من أقوى المنصات الي تقدر من خلالها انشاء متجرك الإلكتروني الخاص، كما تقدم العديد من المميزات، ومنها:

  • هتقدم لك ثلاث خطط بأسعار وامتيازات مختلفة.
  • هتسمحلك بفترة 14 يوم كمساحة تجريبية مجانية.
  • متوافقة مع شروط محركات البحث SEO.
  • تدعم أمان الموقع https أو شهادة SSL.
  • توفر الكثير من القوالب الاحترافية الجاهزة والتي تدعم الهاتف expensive.
  • توفر دعم فني على مدار الساعة
  • تمتاز شوبيفاي بتقديم تقارير وتحليلات لتقييم سير العمل من المبيعات وغيرها.
  • توفر العديد من وسائل الدفع الإلكترونية

إذا أردت العمل في مجال الدروب شيبنج Drop shipping فأفضل منصة لك هي شوبيفاي   Shopifay   حيث تمكنك من سهولة العمل ومتابعته.

 

2- منصة التجارة الإلكترونية 

ووكمورس  Woo Commerce :

 

هي اضافة الى المنصة مفتوحة المصدر ووردبرس WordPress يتم إضافتها لموقعك الإلكتروني ليصبح ليده إمكانية البيع والشراء كالمتاجر الإلكترونية، دعونا نستعرض امكانياتها:

  • هي إضافة مجانية بالإضافة الى بعض الميزات الاحترافية المدفوعة.
  • توفر نظام الكوبونات التي تستخدم في الخصومات والعروض.
  • تدعم طرق دفع مختلفة مثل PayPal.
  • توفر إمكانية مشاركة العملاء بترتيب المنتجات بحسب رغبتهم.
  • بها إعدادات خاصة بكل منتج وطريقة عرضه.
  • توفر الكثير من السمات والقوالب لمختلف انواع المتاجر.
  • يعتبر Woo Commerce آمن من حيث حماية البيانات.
  • يتم إضافة Woo Commerce الى لوحة التحكم الخاصة ب ووردبرس.

توفر هذه المنصة سهولة كبيرة في العمل كما أنها توفر العديد من الإضافات المجانية التي تسهل من العمل على المتجر.

– بعد ما عرفنا أهمية التجارة على الإنترنت ومنصاتها هنتكلم عن 4 طرق لفتح مشروع الإكسسوارت الحريمي الي إحنا ذكرناهم في المخطط فوق:

1- المحل :

المحلات تعتبر طريقة تقليدية في التجارة وربحها معتمد على المنطقة اللي انت ناوي تفتح المحل فيها وده على عكس التجارة علي الانترنت ،

وفي الحقيقة رأس المال هنا بيعتمد على مساحة المكان يعني مثلا لو انت محتاج 10 م لعرض بضاعتك (المتر المسطح لمنتجات الأكسسوارات الحريمي حوالي ٣٠٠٠ ج / المتر) فأنت محتاج حوالي 30000 جنيه علشان تقدر تفرش محلك علي مساحه عرض ١٠ متر مسطح

هامش الربح :

هامش الربح من سعر البيع الحقيقة في المحلات بيبقى عالي فممكن يكون حوالي من

 100% – 150% وده مكسب مرتفع جدا .

المصروفات :

المصروفات هنا بتبقى كتير جداً ومكلفة فأنت هتصرف على الدعاية والإعلان ولو المحل مش ملكك هتدفع إيجار شهري ليه ، ده غير الكهرباء ومصروفات العمال وتجهيز المحل وتوضيبه عشان تعرض بضاعتك .

المجهود :

الحقيقة المحل مجهد من ترتيب بضاعة وجردها للتعامل مع الزبون ويُمكن تعيين موظف للمحل لو انت مش متفرغ ليه ولكن يستحسن التفرغ التام للمحل .

معدل دوران البضاعه :

هنا بتبقى سريعه في الأول نظرا لأفتتاح المحل وتردد الكثير من الزوار في فتره الافتتاح وبعدين بتبدأ بالنقصان بعد الشهر السادس ، ثم تصل إلي الثبات بعد ذلك، متوقفا علي مكان المحل. بيتوقف كل ده نوع بضاعتك والاسعار اللي انت بتبيع بيها وكمان بيتوقف علي موقع المحل

دوران البضاعه ممكن يوصل في المتوسط مره شهرياً

2– أون لاين على مواقع مخصصة للبيع :

سوق الأون لاين بحر واسع من التجارة وفي الحقيقة هي بنتدرج تحتها مفهوم زي الجروبات والموقع الخاص بيك على الإنترنت ، لكن في مواقع معينة مشهورة  زي ( سوق – جوميا – نون ).

الحقيقة إن رأس المال في النوع ده من التجارة ممكن يكلفك حوالي  2000 جنيه لشراء البضاعة وده مبلغ مش كبير .

هامش الربح :

هامش الربح من سعر البيع يعتبر كويس لإنه بيتراوح مابين 70% – 100%

المصروفات :

المصروفات هنا مختلفة شوية لإنك بتعرض منتجك على وسيط الي هو الموقع فأكيد هياخد عمولة، فعموله بيع المواقع من ١٥٪ – ٢٥٪ من سعر البيع من مصروفات التعبئه والتغليف.

المجهود :

لا يذكر إنت بتدي منتجك لوسيط وهو بيعرضه وياخد عمولة .

التفرغ :

عكس المحلات لا يحتاج إلى تفرغ ولا موظف .

دورة رأس المال :

هنا بتبقى مختلفة شوية عن المحلات بتكون أبطئ يعني مثلا ( جوميا / سوق / نون ) بتكون بطيئه جدا في الأول ثم تبدأ بالزياده بعد الشهر الأول ، ثم تصل ٌلي ان تكون سريعه منذ بدايه الشهر السادس .

معدل دوران المخزون :

ممكن توصل لمرتين في الشهر .

3- الجروبات :

ممكن مثلاً نقول زي جروبات الفيس بوك جروب بتعرض فيه منتجك وتبيعه ورأس المال هنا بيكون الأرخص حوالي 1000 جنيه وده مبلغ زهيد جداً .

هامش الربح :

بالنسبة للجروبات كل ما يكون التفاعل أكتر كل مايكون ربحك أعلى فهامش الربح هيقدر بحاولي 50% – 70% وده مبلغ معقول بالنسبة لرأس المال . 

المصروفات :

زي ما قولنا في النقطة السابقة إن التفاعل شيئ أساسي ومهم جداً في الربح فأكيد هتدفع مصروفات دعايه وإعلان للجروب و مصروفات تصوير المنتجات بشكل أحترافي ولائق و مصروفات التعبئه والتغليف .

المجهود :

هيكون بسيط للغاية لإنك بتعرض ع الجروب وبتبيع .

التفرغ :

لا يحتاج إلى تفرغ كل ما عليك متابعة الجروب في أي وقت .

دورة رأس المال :

بتكون بطيئه جدا في الأول ثم تبدأ بالزياده بعد الشهر الأول ، ثم تكون سريعه جدا منذ بدايه الشهر العاشر ، ولكن خليك فاكر إن شكل التفاعل هيفرق حتى في دورة رأس المال .

معدل دوران المخزون :

ممكن توصل لمرة واحدة في الشهر .

4- موقع خاص بك على الإنترنت :

الموقع الخاص بيك فكرتها مختلفة شوية عن المواقع المخصصة للبيع ، زي ما العنوان بيقول ده هيبقى عبارة عن موقع خاص بيك انت تبيع فيه منتجك بدون أي وسيط وبالتالي بدون أي عمولة ، فالبتالي توفير نقود ، والحقيقة إن رأس المال المطلوب لشراء البضاعة بيقدر بحوالي  5000 جنيه هو مبلغ أعلى من الجروبات والمواقع المخصصة للبيع ، لكن تذكر إن ده موقع خاص بيك .

هامش الربح :

هامش الربح من سعر البيع هنا بيكون عالي زي المحلات تقريباً لأنك هنا بتبيع بنفس الفكرة وهي بدون وسيط وعمولة لكن عن طريق الإنترنت ، وهامش الربح بيكون حوالي 100% – 150%

وده هامش عالي جداً .

المصروفات :

تقريباً نفس مصروفات الجروب هتدفع مصروفات دعايه وإعلان للموقع و مصروفات تصوير المنتجات بشكل إحترافي وجذاب و مصروفات التعبئه والتغليف .

المجهود :

صحيح إنك بتبيع أون لاين بس ده مش معناه إن مجهودك هيبقى بسيط زي الي فاتوا، لأن ده موقع كبير على الإنترنت فالبتالي بضاعة أكتر ومنوعة و اقسام عديدة في الموقع، وده هيترتب عليه متابعة دائمة للموقع والدخول عليه بصفة مستمرة ، لذلك يعتبر المجهود عالي .

التفرغ :

لا يحتاج إلى تفرغ لأنك ممكن تعين حد يتابع الموقع .

دورة رأس المال :

الحقيقة إن دورة رأس المال في الأون لاين متشابهة لذلك هتكون بطيئه جدا في الأول ، ثم تبدأ بالزياده بعد الشهر الأول ، ثم تصل إلى أن تكون سريعه جداً منذ بدايه الشهر العاشر.

معدل دوران المخزون :

قد يصل أحياناً إلى مرتين في الشهر .

وده رسم بياني يوضح هوامش الربح لكل طريقة من الطرق السابقة :

بعد لما عرفنا الطرق الي ممكن تفتح بيها مشروعك ممكن نتكلم عن البضائع الأساسية الي هتحتاجها

والحقيقة إن فيه مشاريع كتير جداً مربحة لكن مشروع الإكسسوارات يعتبر مشروع مميز ومربح جداً ويتوافق مع إحتياجات السوق لإن البنات عمرها ما هتفكر تبطل تشتري إكسسوات لإنهم بيعتبروه شيئ إستهلاكي بالنسبة ليهم ، ودي بعض أمثلة البضائع الي هتحتاجها :

  • سلاسل مرصعة بالأحجار الملونة الرائعة.
  • الأساور العريضة الجميلة
  • الإكسسوارات البراقة الأنيقة التي تضفي جمالاً رائعاً
  • الساعات القماش والتي تعطي إنطباعاً للرقي.
  • خواتم الفضة الرائعة ذات الفصوص الصغيرة والتي تضفي رونقاً جذاباً
  • الإسكارف الصوف لشتاء دافئ
  • خواتم الورود الأنيقة
  • قلائد وحلي تعطي إنطباعاً جذاباً.

بالتأكيد لا تقتصر الإكسسوارات فقط على ما قلناه سابقا ولكن يمكن أن تضيف حقائب متنوعة لتكتمل مجموعتك الرائعة وتجذب إليك عملاء أكثر.

موقع ( يلا جملة ) مش بيفيدك بالمعلومات بس لأ ده كمان هيوصلك للتجار نفسهم المتخصصين في الإكسسوارات الحريمي وغيرهم لذلك تذكر أن : هامش الربح يعتمد علي شرائك من تجار جمله يقدمون لك منتجات بجوده عاليه وبأسعار مناسبه وغير مبالغ فيها ويعتمد علي تنوع المنتجات في متجرك.
يلا جمله | دليلك لتجار الجمله في مصر
0 Shares

Notice: ob_end_flush(): failed to send buffer of zlib output compression (0) in /home/yallagomla/public_html/blog/wp-includes/functions.php on line 4673