Skip to main content
مدونه يلا جمله فيروس كرونا

ازمه كورونا وتأثيرها علي تجاره الجمله في مصر

إزاي ازمه كورونا غيرت عاداتنا الشرائيه من الشراء التقليدي الي سوق الاونلاين ؟

فيروس كورونا تسبب بأزمة عالمية شديدة الخطورة سواءً كانت أزمة إقتصادية أو أزمة إجتماعية ، والحقيقة إنها أثرت على قطاعات إقتصادية عديدة في الدول وتسببت في مشاكل ليها منها قطاع التجارة .وبالتالي تغيير العادات الشرائيه والتعامل مع السوق .

في الموضوع ده هنتكلم عن أثر فيروس كورونا إجتماعياً وازاي أثر على الناس ، وهنتكلم عن تأثر التجار بسبب الأزمة دي :

– تأثير فيروس كورونا إجتماعياً :

تسبب فيروس كورونا بالذعر للناس كلها ، بداية من الأطفال لكبار السن لإنه بطبيعة الحال بينتقل بسرعة عن طريق الإختلاط ، عشان كدة الناس خافت النزول ومكانتش بتنزل غير للضرورة القصوى .

والحقيقة إن الموضوع ده أثر في سلوكيات الناس ، لإن خوف الناس من النزول للشارع والإختلاط دفعها لإنها تجيب حاجتها عن طريق الأون لاين ، والتجار هنا إستفادوا من الموضوع ده لإنه بسبب الفيروس وبسبب خوف الناس أصبح التاجر بيعرض بضاعته على الإنترنت ، والناس بتطلب الي هي عايزاه ويجيلها لحد البيت ، والحقيقة إن الموضوع زاد من طلب وظيفة الدليفيري . يعني ممكن نقول إن مش التاجر بس إستفاد لأ ده كمان موظفين الدليفري إستفادوا .

وكمان موضوع إنك تطلب أون لاين ده مش صعب خالص ، ممكن تفتح اللاب توب الخاص بيك على الموقع أو الصفحة الي انت عايزها وتطلب منها ، أو ممكن وانت قاعد ماسك موبايلك تطلب الي إنت عايزه عن طريق ضغطة زر من موبايلك .

– تراجع عمليات البيع والشراء التقليدية :

زي ما قولنا ف البدايه  إن بسبب خوف الناس من النزول بدأوا إنهم يتجهوا للأون لاين ، فده أثر على حركة عمليات البيع والشراء التقليدية بشكل ملحوظ جداً ، لكن إحنا ممكن نضيف أسباب أخرى أدت لكدة ، وإن لما الناس جربت موضوع الأون لاين ولقيته سهل وبيوفر الجهد والوقت فحبته أكتر ، والناس بدأت تقبل عليه أكتر خصوصاً إن التجارة الأون لاين مش لازمة عليك إنك تدفع عن طريق الفيزا فقط ، لأ ده كمان ممكن أما تستلم البضاعة تدفع وكمان ليك الحق إنك ترجع المنتج

الي مش عاجبك زي عملية الشراء التقليدية .

يعني إحنا ممكن نقول إن الناس لقت مميزات الأون لاين وكمان معاها مميزات الشراء التقليدي ، فأكيد ده كمان أثر على عمليات البيع والشراء التقليدية . من الاخر كدا مش هتبقا مضطر تنزل تروح المحل لا ده انت ممكن تطلب كل حاجه من تلفونك وانت في مكانك . 

– زياده تعاملات التجار وشراء بضاعتهم عبر الانترنت :

بعد التأثر الشديد لحركة البيع والشراء التقليدية خلت تجار كتير جداً يتجهوا لإنهم يعرضوا منتجاتهم وبضاعتهم على الإنترنت ، عشان يقدر إنه يعوض تأثره السلبي من حركة البيع والشراء التقليدية

وفي تجار كتير ربحت من الإنترنت ولقوا إن مميزاته كتير وأفضل من التجارة التقليدية ولقت إنه بيوفر جهد ووقت ومصاريف ، وكمان إنها مش بتتأثر بأي ظرف طارئ ممكن يحصل في أي وقت .

وكمان فكرة تجارة الإنترنت بالنسبة للتجار لم تقتصر فقط على إنهم يعرضوا بضاعتهم ، لأ ده كمان يقدروا يشتروا بضاعتهم من تجار الجملة عن طريق الأون لاين وده شيئ مناسب جداً للظروف الي إحنا فيها ، وكمان قدروا إنهم يعرفوا تجار جملة أكتر وقدروا إنهم يوفروا فلوس نظير إنهم يروحوا بنفسهم يشتروا البضاعة ، إكتشفوا إن بكل سهولة ويسر يقدروا يختاروا الكثير من البضاعة المتنوعة الي هو عايزها وبأسعار مختلفة ومن موردين مختلفين ويطلبها وتيجي لغاية عنده.

 وأخيرا :  

نقدر نقول إن أزمة كورونا بسلبياتها الكتيرة قدرت تغير سلوك الناس والتجار وخلتهم ينتبهوا أكتر لسوق الأون لاين .

عشان كدة لو إنت تاجر وعايز تبدأ مشروعك إحنا في موقع يلا جمله الذراع الأيمن لكل تاجر عايز يبدأ مشروعه ومش عارف يتواصل مع الموردين ، إحنا بكل سهولة هنعرفك ليهم ، وهنقولك هتتواصل معاهم إزاي ، وتقدر تشوف منتجاتهم وبضائعهم بأسعار الجمله الحقيقيه.

يلا جملة قدرت تساعد خلال فتره قصيره جدا أكتر من ١٠٠ صاحب محل وتاجر أونلاين في أنه يبدأ مشروعه ويكبره ، وقدرت تساعد تجار جملة إنهم يعلنوا عن نفسهم عن طريقنا .

إحنا في يلا جملة فكرتنا إننا نقدم دليل كامل لجميع تجار الجملة وهدفنا إننا نساعد كل تاجر تجزئة.

0 Shares

Notice: ob_end_flush(): failed to send buffer of zlib output compression (0) in /home/yallagomla/public_html/blog/wp-includes/functions.php on line 4673