لما تيجي تبدأ في أي مشروع تجاري لازم تكون عارف كويس قوي خمس مصطلحات رئيسية لازم تعرفهم وتفهمهم كويس قوي قبل بدايه أي مشروع
مشروع تجاري : لو عايز تبدأ مشروع لازم الاول تعمل دلراسه جدوي لقياس عوامل نجاح المشروع ومن هنا لازم تحط في اعتبارك المصطلحات دي وهما :
رأس المال المطلوب للمشروع
يعني المبلغ المطلوب علشان تبدأ مشروعك التجاري ، وده يشمل مصاريف التأسيس، شراء البضاعه اللي هتعرضها
مصروفات التأسيس
مصاريف التأسيس دي المصاريف اللي لازم تدفعها قبل بدايه المشروع ومش ممكن المشروع هيبتدي من غير المصاريف ، زي مثلا أعمال الديكورات اللي هتعملها في المحل بتاعك ، وتأمين المحل ، مصاريف السجل التجاري وهكذا
هامش الربح
هامش الربح (يعني الفرق ما بين سعر البيع وسعر الشراء) يعني مثلا انت اشتريت منتج تكلفته ١٠ج وبيعته بحوالي ١٥ج ، كده انت عملت هامش ربح قدره ٥ ج ، أو بمعني آخر انت عملت هامش ربح يقدر ب٥٠٪ من سعر التكلفه ، خلي بالك هامش الربح مختلف تماما عن صافي الربح ، صافي الربح بيتحسب بعد ما تخصم كل المصاريف اللي انت صرفتها علي المشروع بعبارة أخري (بعد أحتساب هامش الربح يتخصم منه مصاريف الأيجار والكهرباء والموظفين وكل المصاريف الشهريه)، بنفس طريقه المثال السابق ، بعد ما عملت ٥ج هامش ربح ، تخصم منهم ٣ج مصاريف ايجار وكهرباء وموظفين .. يبقي صافي الربح ٢ج
مصروفات التشغيل الشهريه
يعني أي مصاريف تكون صرفتها خلال الشهر علي المشروع اللي ممكن تكون أيجار ، كهرباء ، موظفين ، دعايه وأعلان وشحن وخلافه.
معدل دوران البضاعه
معدل دوران البضاعه (يعني تقدر تدور بضاعتك كل قد آيه ، كل ما معدل الدوران زاد كل ما هتقدر تحقق آرباح أعلي) يعني انت اشتريت بضاعه أول الشهر بيعتها كلها في نص الشهر نفسه وروحت تشتري بضاعه تانيه وبعتها مره تانيه علي آخر الشهر ، معني كده ان بضاعتك دارت مرتين في شهر واحد ، معني كده ان بضاعتك هتدور ٢٤ مره في السنه
وعشان كدة لو إنت عايز تبدأ مشروعك إحنا في ( يلا جملة ) نعتبر وسيط هام جداً لكل تاجر عايز يبدأ مشروعه ومش عارف يتواصل مع الموردين ، إحنا بكل سهولة هنوصلك ليهم ، وهنقولك هتتواصل معاهم إزاي ، إحنا بنقدم بضائع من تجار متنوعين بأسعار تنافسية تناسب كل تاجر وإحتياجاته للمشروع.
( يلا جملة ) قدرت تساعد خلال فتره قصيره جدا أكتر من ١٠٠ صاحب محل وتاجر أونلاين في أنه يبدأ مشروعه ويكبره ، وقدرت تساعد تجار جملة إنهم يعلنوا عن نفسهم عن طريقنا .
إحنا في ( يلا جملة ) فكرتنا إننا نقدم دليل كامل لجميع تجار الجملة وهدفنا إننا نساعد كل تاجر تجزئة وكل شاب عاوز يبدأ مشروعه التجاري .
